支持及訂閱請按 Like

星期四, 6月 23, 2011

2012 黑社會治港陰謀

當特區政府可以用通過所謂「替補機制,透過一個不民主方式,去「替補」立法會直選議席之時,我們面前的選擇很清楚只有一條路,就是民主派集體退出議會路線,杯葛 2012 立法會選舉,等中共管哂佢。

你相信唐膠年、范婦人或者奸人英,佢地有本事管好香港嗎?你相信呢個民望跌到谷底的特膠政府,有回天之力嗎?既然中共已經明目張膽毀滅一國兩制,明目張膽破壞最後的直選制度,請問各位泛民議員你們還在等甚麼?等中共暗殺你地,然後搵人替補你地?

這個魔鬼替補制度最荒謬之處,就係當有黑社會、用惡勢力暗殺一個議員,就可以令果個政黨失去個席位;在外國,暗殺造成的政治振盪,會令選民憤而選回同一政黨的繼承者,因此政治暗殺得不償失;在香港,只要派人恐嚇你,又或者用家人的安全威脅力,你敢唔敢繼續做?只不過幾年前,立法會議員何俊仁可以在中環被人伏擊頭部重創,如果一個不幸死亡,由另一個政黨的人去替補佢荒唔荒謬?

黑社會參選立法會,然後恐嚇佢需要的參選人,走可以輕易透過不民主的程序,登上立法會的寶座;佢只需要一票--自己投自己,然後恐嚇所有得票比佢多的人唔做,佢就可以輕易成為立法會議員,這樣的香港是怎樣的香港?就係黑暗到底,完全沒有民主,沒有自由,沒有港人治港的黑社會城市。

1994 年,當范徐麗泰棄英投共,成為中共特區「預委會」社會及保安小組組長時,當年的美聯社記者,就已經提出質疑,指范徐麗泰的父親徐大統,本為上海青幫杜月笙的左右手,豈可擔任保安重責?做警察都要查三代,何況係做特首?如今范徐麗泰竟成特首熱門候選人,配以一個可以容許政治暗殺,用黑社會殺人就可以做議員的制度,我們是否有合理的懷疑,令人質疑這是中國共產黨決定以黑社會手段毀滅香港的最後手段?

中共黨史多年來長期說--國民黨用特務及上海青幫暗殺政敵,今日中共卻讓這樣一位青幫頭目的女兒,擔任人大,更要幫佢黃袍加身,成為下屆特首,這樣的香港,你驚不驚嚇?

廿三條分拆上市,既不能用法律治之,中共決定把大陸最赤裸裸的黑暗手段搬來香港,再配一個熟識這種手段的香港江青,以皮笑肉不笑來治港,有理由懷疑,香港毀滅已經去到最後階段,就係中共繼 2003 年的失敗嘗試之後,把這些黑手段分拆上市,一步一步去打壓你、恐嚇你、毀滅你。

泛民主派,你們對中共還有甚麼幻想嗎?為何你們仍然要堅持失敗了多年的議會路線?為何要在立法會做花樽,去為佢地的恐怖份子替補機制背書?事情已經很清楚,之前既然有立法會議員的親人的安全,都可以令議員由反共頭號份子,變作不出聲潛水,有替補機制之後,大家可以想像立法會變成怎麼樣?

有人常說:參選功能組別,就是支持功能組別;支持有替補機制的直選選舉,也是支持替補機制本身,既然事已如此,長痛不如短痛,留在議會已經無用,索性讓中共全部選哂佢,亦只有泛民集體杯葛選舉,才能令事件得到國際關注,去證明中英聯合聲明是一個完全的謊言。

泛民議員,係時候總辭了!

伸延閱讀:
唐英年一億人毀滅香港計劃

星期三, 6月 22, 2011

巴黎華商有特權乎?

香港的傳媒經常放毒,原因就係經常轉載來自大陸的消息,用呢 D 報導來學「通識」,真係誤人子弟。

看看這篇明報報導《勒令周日停業 華商戶叫苦連天》,一睇條題,以為歧視乎?華人被歧視呀?點解華人唔可以星期日做生意呀?

『勒令周日停業 華商戶叫苦連天 2011-06-21

【明報專訊】除劫案猖獗,巴黎華人近日還要面對「商店周日不准營業」的禁令,令當地華商叫苦連天。

凡到過巴黎的遊人,都體會過「周日停業」的不便,就連平日車水馬龍的香榭麗舍大道,眾多商店周日也閉門謝客。但在巴黎13區,華人店舖一直保持「周日營業」傳統。但今年4月底,勞動監察局發出通知,禁止華人商店在周日營業,否則面臨罰款。政府認為,這是為了保障僱員權益,但華人則抱怨「被迫休息」。』

睇清楚,人地法國全國星期日都唔准做生意,這是人家的國家,人家的法律,人家的傳統,人地法國人個個星期日都唔准做生意,點解華人可以有特權呢?被迫?誰迫華人搬去法國居住?誰迫華人去法國做生意?在歐洲,星期日與假期不准營業,幾乎係常識,點解搬去人地國家,要不守人地的法律?人地歧視你咩?法國人人如此,究竟係中國人要不守法律,要特權,定係被人歧視呀?點解報紙可以倒轉來講?

一班無恥的討論區用戶,反轉頭侮辱法國人懶、經濟差,對唔住,法國經濟再差,人均 GDP 都高過你香港以及更低的大陸多多聲,更惶論生活質素了;唔好講同樣的法律在德國都一樣,德國更嚴,要求商鋪六點就一定要收工,超市都只係准許開到八點,又唔見德國經濟差?又唔見呢班人唔買德國車,改買勤奮、努力的大陸人設計、製造車輛?

更無恥的係,同一堆傳媒,三年前報張建宗局長在立法會,大大聲講「香港的法定假期多過法國」,香港法定假期多過法國,咁點解人地個星期日都唔准開工一定要放假呀?點解冇記者走去問下局長,點解香港法定假期多過法國,但係人地逢星期日都唔准開工一定要放假呀?點解局長講大話,記者唔去追問報導,唔去幫香港的小市民包括佢地自己,去爭取合理的假期,卻反過來走去幫華商,要求法國畀佢「治外法權」,去違返法國百幾年的法例呀?中華帝國主義呀?

『旅法華人黃先生說,勞動監察局監督員4月底突然到13區調查,之後鄰近商店都收到通知,勒令5月1日起「周日停業」。黃先生表示,類似禁令非首次發出,「很多人最初沒當一回事」,然而當商家5月1日照常營業,卻收到罰款通知。勞動監察局稱,當局過往未予追究,只是一種寬容。』

法國政府人員冇立即拉人,而係一再畀單張,要求改善,畀警告信,仲要「很多人最初沒當一回事」,你估法國好似香港的屋宇署呀,警告完你可以唔理?呢班咩人呀?巴黎原居民乎?你估係中國租界呀?人地法國警告完一次又一次,先出罰款通知,呢 D 「旅法華人」都仲要大大聲出來投訴?你返大陸做生意,大陸公安會唔會警告你一次又一次,都唔執法呢?大陸公安會唔會好聲好氣,畀你一次又一次的機會呢?唔好講咁遠,香港果位雞蛋仔阿伯,佢夠慘啦掛?會唔會一再被政府網開一面呢?

點解中國人被全世界當作是蝗蟲?看看這種態度就知道,叫苦連天?請問「華商」咁「愛華」,去法國做生意為乜?要特權就返大陸,一年開單 366 日工都得,去法蘭西做乜?去法蘭西唔守人地合理合情合法的法律,仲要大大聲話去巴黎旅遊好唔方便,唔方便未唔好去囉,去北京旅遊囉,去巴黎做乜呀?

更妙的係,中國人成日吹噓自己重視家庭,點解法國有法律保障家庭生活,強迫全國要星期日休息,而中國卻沒有呢?點解中國人、香港人家庭咁少時間見面,都唔止覺得冇問題,仲反而走去怪責人地咁優良的法律呢?

事實證明甚麼?今日的中國文化只是騙徒文化,生產出一群又一群的騙徒,說自己重視家庭,卻走去反對人地進步過你的家庭生活法律;說香港的法定假期比起法國多,卻說外國更多休假令自己購物唔方便,吹乎?

伸延閱讀:
張建宗呃鬼食豆腐

星期二, 6月 21, 2011

強迫金係幫市民定係益金融佬?

林忌休息了一個多月冇寫稿,實為對香港已經完全絕望,無數瘋狂事情日日新鮮,政府無恥程度天天新奇,而最悲哀者,為自己友香港人唔爭氣也。

好似強迫金加到兩萬五,我地幾乎完全見唔到市面有任何討論,十一年來第一次加強迫金供款上限,傳媒個個好似收哂政府錢,人人只報「下限由五千提高到六千五」,卻只用幾隻字帶過把上限由兩萬加到兩萬五的行為,彷彿香港好似只有月入五千的人需要幫忙,而月入兩萬五的人卻係有錢佬一樣,請問香港的良心記者與議員去哂邊?

「(星島日報報道)行政會議昨拍板通過強積金供款入息上下限檢討,建議由今年十一月起,供款入息下限會由五千元提高至六千五百元;至於供款入息上限調整,則由二萬元加高至二萬五千元,但會推遲一年到明年六月才生效,這是強積金制度推行十一年來首次調整。」

很多自命幫窮人者,到今天都仲口口聲聲強迫金係德政,對呢種人林忌真係好憤怒,更覺得呢班人好無恥,同一筆錢你存入銀行,使唔使畀管理費?點解存錢入銀行唔使畀管理費,但係存在入強迫金卻要畀管理費呢?明明原本係免費的「服務」--其實係市民大眾借錢畀銀行去投資,用市民的錢去搵錢,卻在立法後變成了你乞佢「管理」,再收你「管理費」,而且任佢亂玩,蝕錢係你蝕,都仲要畀管理費。

有人亂幫你炒,蝕左錢你可唔可以炒左佢?唔得,請問佢係你老闆,定係你先係佢老闆?點解你請佢幫你理財,理財不善唔可以換?通過左成年的強迫金「半自由行」去左邊?請問班議員大帝去左邊?投資涉及風險,點解你地要強迫市民接受風險,仲要強迫我地個個月倒貼管理費畀班金融炒家?究竟強迫金得利的係小市民,定係金融玩家呢?你話呢?你強制借錢畀佢去賭,賭輸賭贏都收硬你管理費,佢用你筆大錢在市場興風作浪,你送錢畀佢賭錢,你話係金融佬最得益,定係每個月月辛辛苦苦供錢的小市民最得益?

當全港傳媒大字標題全部只報供款下限五千升上六千五,卻幾乎隻字不提供款上限兩萬升上兩萬五,就知道香港的新聞自由已死;兩萬五收入人士,僱員供款多兩百五,加埋僱主供款果兩百五,夾埋就係每個月畀多五舊水金融佬賭,一年就係畀多六千蚊--政府派六千畀你,其實最終都係派番入強迫金個戶口度,呵,佢今年派六千畀你咋,明年有冇得派就唔知,不過明年你除非失業,否則都係要強制你存多六千蚊入強迫金戶口。

每月供樓可唔可以供少五舊水呀?人工有冇加呀?點解明明係我的錢,我唔可以用,要強制畀金融佬賭?要低風險的,點解唔畀小市民存銀行定期?要高風險的,我自己買外幣,炒股票,表現仲好過金融佬 N 倍,我十年來都跑贏大市,跑贏強迫金,點解政府要強迫我去接受呢種不合情理的風險,再強制我畀管理費呢班友?

香港呢個官商勾結複合體,除左無恥的政府,仲有呢班口口聲聲反對官商勾結,卻實為官商勾結制度共犯的呢班人,全靠佢地支持強迫金,金融佬的花紅、董事酬金多得佢地!

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀