支持及訂閱請按 Like

星期五, 11月 27, 2009

鄭汝樺成功爭取大老山隧道加價!

大老山隧道 申請劃一加價 1元 2009年11月26日 (07:43 am)

大股東為新創建集團、去年盈利逾一億元的大老山隧道,一年間第二次加價,今次劃一各類車輛加 1元,平均加幅 5.9%,私家車和的士加至 15元。行政會議下月審批加價申請,預算明年初實施。新鴻基地產的大欖隧道和中信泰富的西區海底隧道, 7月時亦已公佈調高法定收費,隨時步大老山隧道後塵正式加價。

大老山隧道公司總經理黃子建回覆記者查詢證實,已向運輸及房屋局申請加價,劃一各類車輛加 1元,新收費為電單車 12元;私家車和的士 15元;公共及私家小巴和輕型貨車 22元;單層巴士 29元;雙層巴士 32元。該隧道去年 12月才加逾 10%,一年間便第二次加價,他解釋是過去 19年均虧蝕, 97/98年度才首次正式有盈利,至今累積盈利只一億多元。

黃子建說,該隧道 1988年獲 30年專營權, 91年通車,現餘下不足 9年,投資額 20億元,當年預測回報率是 13.02%,但按現時情況,只得 6.1%,以目前的經營環境,「冇可能追番 13.02%,最多維持而家咁上下

只係睇以上的報導,大家或者都覺得大老山隧道的經營公司好可憐,不過如果望下個數據,再望下上年段新聞,大家一定會更加覺得,我地納稅人更加可憐。

『西隧大股東5.5億再入股大隧 2008-11-29

(綜合報道)(星島日報報道)今年二月才增持西隧權益的港通控股,非但未有因環球金融海嘯而收緊投資,更剛落實向華潤購入大老山隧道公司百分之三十九點五權益,作價五億五千五百萬元,擴大其在港隧道事業王國,若日後港府下決心購回西隧等特許經營權,港通近年的收購「動作」,將增加其談判的籌碼。』

一間咁少錢賺的公司,點解果間成日呷窮,又話唔夠生意要加價的西隧老闆,唔單止唔係急急腳賣條隧道,反而係不斷增持,仲買埋大老山隧道呢?唔通佢地開善堂?唔通佢地明知蝕梗,都要繼續買隧道?

「招商局4.6億售西隧股權 港通購入 增持至五成 2008年2月22日
【明報專訊】招商局國際(0144)昨天公布,已於下午簽約,以4.6 億元的總代價,向港通控股(0032)出售包括西區海底隧道13%權益的資產及相關股東貸款。除西隧權益之外,轉售的資產並包括紅磡海底隧道管理、營運及維修合約的13%權益,按照今次交易的作價計算,西隧及紅隧管理合約總值為35.4億元。」

兩年唔到,又增持西隧,又買埋大老山隧道,大家覺得佢地係唔係蝕到癡左線呢?定係我地個政府由始至乜野都唔做?

每一日舊隧塞到阿媽都唔認得,每一日獅隧返工放工時間都必定塞車,可是我地偉大的「運輸及房屋局局長」鄭汝樺,乜野都做唔到,一個仙都拿唔出來回購隧道權益;政府好窮咩?作價五億五千五百萬,就可以買入大老山隧道約四成的股權,政府冇錢咩?敢問一句,今日七百萬人日日塞車的問題嚴重些,定係內地客來香港快十分鐘重要些?點解政府可以為內地客去旅行的十分鐘,出多三百幾億,而拒絕替代方案,但係唔肯為市民每日的半個鐘、一個鐘塞車時間,出十分一、廿分一、五十分之一的價錢,去回購隧道,搞好分流呢?

政府成日推,話回購隧道要錢--乜政府冇錢咩?點解六百幾億就捨得洗,捐都捐左百幾億畀四川起路啦,點解香港人每日生活飽受塞車之苦,政府乜野都唔肯做?乜而家內地旅客來香港好唔方便咩?一條所謂的高鐵,快得幾多呢?乜香港而家容納到咁多內地旅客咩?定係鄭汝樺一直都係唐英年的 fans,打算把兩萬蚊收入以下的香港人,全部趕返大陸,而把香港送畀內地的貪官子女來居住?

對呀,唔好講到用錢買隧道,政府日日口口聲聲呼籲三條海隧要分流,望下政府的政策吧!一架旅遊巴過海,舊隧收十蚊,雙層先收十五蚊,仲可以老奉打尖,行埋巴士專線,每日上落班時間,就連市民的專利巴士都塞埋。同一架旅遊巴,去西隧要單層收 $80、雙層收 $115;連東隧單層都收 $50,雙層收 $75!唔怪之得啦,我地上落班日日塞車就話冇得選擇,點解連內地遊客都要迫舊隧呢?迫都唔緊要,點解要畀佢地行巴士專線,打香港市民尖呢?

上述鐵一般的事實只證明了一點,香港特區政府的「運輸及房屋局」,應該立即正名為「內地運輸及房屋局」!高鐵係為內地的炒家建的,隧道係為內地權貴的利益濫收香港人費用的--對,如果是內地旅客,就可以超低價行巴士專線打尖!更加唔好講房屋啦!居屋?發夢啦你地,香港而家的房屋,都係為了內地官商勾結的貪官集團,用來洗黑錢走資落香港而起的!連賠錢畀菜園村,都唔係賠畀村民,而係大手買入土地的大地產商,巴閉啦!

上述的一切,證明由始至終都係官商勾結式的利益輸送,由始至終都係冇為過香港人做半點事,而係全面為內地的權貴服務。高鐵的六百五十億,用一半都已經夠回購全香港的隧道,再加新建多條過海隧道,都仲夠錢起公共專業聯盟的替代方案--分一半畀香港人得唔得?鄭汝樺局長,你仲係唔係香港人?你可唔可以分番一半畀香港人去解決香港人的問題,而唔係只為大陸的權貴服務?我地香港市民求下你可憐啦,鄭局長!
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    7 個月前

最近文章

再次伸延閱讀