支持及訂閱請按 Like

星期六, 11月 14, 2009

股膠你是否不懂駕車?--弱智人士堅持坐高鐵的基因

股膠:「細個成日去大大公司及千里達模型睇火車模型果d算唔算?筆者廿年前乘搭日本新幹線,由東京去到大阪只用了半天,下車時概嘆如果中國都有呢d鐵路就好了!後來才知鄧小平訪日時乘搭後也有同樣感想。後來歐遊時因某些原因不能乘搭TGV火車,引為畢生之憾。

後來台灣高鐵落成,就由墾丁搭巴士到台北,又是半天就到,讀大學時台灣交流團,由台南到台北搭了一整天旅遊車,真的搭到嘔!之後再搭上海磁浮列車,到全國大面積提速時,專登到深圳塔和諧號到廣車,又是一個愉快的旅程!今年再搭了由濟南到青島高鐵,由黃河邊到東海邊,只是用了兩個半小時。」

為左撐高鐵寫 d 垃圾出來,為左踩專業聯盟的替代方案,作 d 弱智故事出來真係辛苦哂啦脫苦海;有時對住班膠人唔知係好喊定好笑,因為佢地真係真心膠得可以,連廿年前坐火車都敢拿出來講,卻不知道廿年前的世界,同廿年後的今日已經係兩回事;看看 1989 年的東柏林,再比較下今天的國際都會柏林,就知道這些生活在「亞洲國際都會」的二三代香港人,真的得了老人癡呆。

今次要評的膠人,再一次係那位叫做「股海窮庭」的股膠脫苦海,如果林忌廿年前買過一種股票,一定唔會大大聲講出來叫你買,可惜呢位股膠,卻在廿年前坐完一架火車之後,唔單止叫你買,仲叫你用幾百億出來投資起一條,簡直就係令人哭笑不得。

對,廿年前的世界,就係鐵路的世界,在那個時候要旅遊,最方便的就是鐵路,因為廿年前沒有 GPS,廿年前沒有互聯網(意義上,不是技術上),廿年前沒有小型航空公司,廿年前沒有一百蚊港紙一張甚至更平的機票,廿年前沒有神根公約,因此廿年前,高速鐵路就是先進的技術云云。

今日歐遊租架車,手持 GPS 四處去,行李全部放在行李箱,仲拖住行李成個傻仔咁在火車站走呀?冇仔女都頂唔順啦,如果成四張野拖男帶女都仲坐火車,真係陰功囉!唔怪得去歐洲要數番廿年前啦!

(圖片:林忌在挪威的森林雪地飛馳之快拍)

遠距離就索性買平價機票,開車去機場換飛機,再去目的地換車,邊有傻仔拖住 d 行李在火車站亂走呀?前牌唔係有人大大寫左篇膠文「婦人,你是否不懂駕車?──中剷永遠買唔到樓的基因」咩?

人地打上電台問特首話佢地買唔到樓,呢條股膠就走去笑人唔識在香港開車,而家唔係要我來恥笑佢唔識在外國開車嘛?股膠,你係唔係唔識用 GPS?定係股膠 d 外語太水皮,去到外國會迷路呀?定係你手車就好似果位婦人「五十步笑百步」,去到第二度就唔識開車呀傻仔?脫苦海,既然你笑人唔識開車,林忌今日就要全程恥笑番你,而家仲坐火車?你又「不懂駕車」呀?

當呢班膠人,話人地唔識開車而要政府走去幫佢買樓果時,林忌真係要全情恥笑佢,呢班友最叻就係雙重標準!自己唔識開車,就要用我地的六百幾億去幫佢地班契弟起條鐵路!人地幾十年前起就係高速,你而家幾十年後去起?呢 d 未叫做傻仔囉--人有我有呀,人地有高鐵,我又要高鐵,不計成本!起呀!

「由西九龍總站至新廣州站行車速度可高達每小時200公里」-- 200km 係高速?林忌在德國 Autobahn 開車閒閒地都話 200km 啦,人地唔限速的高速公路,仲快過火車添,2009 年去歐洲唔係去飛車,仲走去坐 TGV?仲要「引為畢生之憾」?我十幾年前坐 TGV,今曰都仲要坐 TGV,就真係畢生之憾呀冇陰功,因為佢地的人生就係停滯,就係退步,就係冇前途冇長進,為左供層縮水垃圾樓付出了所有青春,唔感到有問題仲要大大聲鬧反佢地的人,重覆番佢地果句:「傻仔,你不懂駕車」呀?

唔得呀!好危險呀!我地有班老人癡呆的人士,要坐火車「感受一下 200km 」的「高速度」!--就好似三歲小朋友坐碰碰車的感覺,抵呀!唔使佢畀錢呀,政府幫佢出六百幾億之嘛!哈哈哈哈哈!

飛機每小時成千公里添啦,坐飛機啦傻佬!開車啦傻佬!

林忌在德國的朋友,基本上一人一架車,每日上 autobhan 飛百幾二百返工放工係閒事,等火車?等巴士?一日有幾多班呢?傻的嗎?如果說汽油、柴油「不環保」--燒媒發電的鐵路就環保嗎?係囉,各大車廠今日都在研製混能及電力引擎,當廿年後電力車成為主流的時候,「高鐵」係乜?過時的技術囉!

乜原來買股票只要信,不要問;唔使睇數據?唔使睇抵唔抵?唔使睇市盈率?唔使睇財務狀況o架?嘩!隻技術好勁呀,鬥快?光纖夠高技術啦o掛,你叫佢全副身家買電盈呀笨?

連「機場快線」,政府仲敢大大聲話要睇五十年--五十年後仲靠呢種科技?你地生活在原始人的年代呀?2009 年來投資六百幾億起條速度上限只得 200km 的廢鐵,三個字講哂:「傻的嗎?」

呢 d 腦筋,送去堆填啦!

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀