支持及訂閱請按 Like

星期四, 9月 10, 2009

中大炒車和路牌或私家路無關

請閱讀以下新聞:【本報訊】一輛出名「鋼水硬淨」的寶馬房車,昨日在沙田中文大學校園內失事後解體,分成三截,頭尾摺合變成一堆廢鐵。事發時,兩名剛參加完中大專業進修學院迎新日的學生,駕駛寶馬私家車在校內飛馳。當駛經逸夫書院附近一處落斜彎位時,寶馬疑高速越過一輛校巴,然後失事鏟上草坪連撼三樹,全車盡毀;乘客被拋出車外重傷斷腳,司機則奇蹟僅受輕傷。警方正調查是否有人超速肇禍,同時不排除該寶馬房車是「積木車」,才會撞至毀爛不堪。

兩名傷者為曾灝文( 20歲)及黃敬文( 19歲),均是中大專業進修學院金融服務高級文憑課程學生,昨回校參與學院迎新活動;曾駕駛其 03年出廠、但 07年始在港首次登記的寶馬 320i房車回校,至下午 2時半他載同黃在校內兜圈。據校巴司機潘先生說,當時他駕着校巴沿校內環迴北路前往逸夫書院接載學生,在駛至該條雙線行車的落斜路段時,發現一輛尾隨的寶馬突然越過對面線爬頭,然後高速駛去。

睇完呢一段新聞之後,大家會有咩感想?一個用邏輯思維的人,會得到乜野結論?在討論之前,再看看一位所謂專家的結論:
暴露私家路欠監管
2009年09月10日
【本報訊】寶馬房車撞樹解體意外轟動中大校園,有中大校巴司機直指常見私家車在校園私家路高速飛馳,險象環生。香港汽車工業學會會長李耀培直言,該路段的路牌及過路設施不足,暴露私家路欠缺監管的老問題,校方應加設限速路牌,保障師生及駕駛人士安全。

荒謬!林忌想問問李耀培先生,你有冇去過中大視察?有冇去過中大開車?有冇發現中大校園內,幾乎成個校園都係「減速石駁」? D 較低車身的飛仔車,每次過呢 d 石駁都幾乎震到雙親都唔認得?幾乎連汽車零件都震壞?

反問一句,點解香港的政府路,反而冇呢 d 「減速石駁」?一個正常的司機,會因為見到「限速 50 公里」的路牌,要感到「我需要減速!」,定係見到前面有「減速石駁」去強迫佢減速,會更自動去減速?

用李耀培先生的講法,就係原來香港的超速司機,係更喜歡睇路牌,原來睇完路牌就會好興奮,就會主動成為乖乖的良好市民,就會因此而減速!反而掉轉頭,成個中大都係震到架架車阿媽都唔認得的「減速石駁」,班飛仔車都會可以違反物理學定律,直飛而過,減速仲少過見「限速路牌」!

香港究竟發生咩事?點解我地可以反智到呢個地步?點解我地個社會,可以會違反邏輯到呢個地步?明明就係有兩個廿歲都唔到的o靚仔,只係讀緊高級文憑,就走去學人開寶馬返學!理論上佢自己根本出唔到保險,實際上佢咁都炒車證明佢技術好水皮,仲要隨時係一架積木車,先會斷成咁樣,但係點解我地的傳媒同專家,唔係走去譴責佢地的所作所為,反而會覺得係因為「私家路執法不足」,反而會覺得係「限速路牌不足」?而明明中大校園的「減速石駁」多過鬼,佢地望都唔望睇都唔睇,就想當然爾,把問題推去「限速路牌不足」?

更反智係,乜香港人需要「限速路牌」先知普通路段係限速 50 公里咩?香港除了「高速公路」,全部都係限速 50 公里,彌敦道、英皇道半個限速路牌都冇,又唔見會因此意外?大帽山、飛鵝山呢 d 「公家小路」,又唔見有速限路牌?

唔通專家認為,果兩位廿歲、十九歲的o靚仔,考左牌會唔知呢一點?又反過來,唔通佢手車水成咁,卻偏偏醒到:「嘩!正呀!中大的路係私家路!法律上同公家路唔同!所以見唔到路牌就唔知限速!所以私家路就可以亂飛!所以我可以危險 D 去飛!」

如果佢識法律咩叫私家路,又點會唔知全香港的路係限速 50 公里呢?又點會唔知小路唔應該飛咁快呢?我想問專家思考果陣,有冇用過腦?傳媒引用專家的偉論之前,又係唔係應該重新思考一下,而唔係迷信權威呢?

香港的荒謬思維,真係隨口引用外國例子都中--倫敦市長 Boris Johnson 七月又有篇文講中了...Health and safety fears are making Britain a safe place for extremely stupid people

倫敦市長投訴成個國家都充滿弱智荒謬的路牌標記,簡直係製造視覺污染!香港最荒謬的係,需要路牌的地方冇路牌,唔需要的路牌就有好多!講去咩目的地的路牌,比起外國的清楚易明,我地輸哂;但係大家都知的 50km 規限,我地卻有一大堆「專家」,建議加多幾個。

幫助正常司機安全駕駛,造多更多幫助司機的路牌,令司機用少一秒睇路牌,用多一秒觀察路面,就係改善道路安全,減少意外的最有效方法,但係我地就從來冇專家關心;反過來,玩死飛仔飛車,佢地就覺得加個路牌可以減少佢地飛車,覺得加多幾個雷達,就可以令那些裝了反干擾裝置的飛仔「害怕」,而減少飛車!

香港,就是一個如此荒謬的地方,應做的就唔做,唔應做的就好多膠人爭住做!(蘋果圖片)
這個小工具發生錯誤

熱門文章

這個小工具發生錯誤

最新文章

  • 本土派的六條命題 - 經《本土研究社》的陳劍青推介,讀到今日維基百科關於「本土派」的條目,真係唔識就嚇一跳,識就得啖笑,成個條目連最基本的還原歷史事實都不會,似足中共版本的「抗戰史」,把國民黨一筆刪去般,把所有非「熱普城」的本土歷史全面刪去。 這種所謂的「本土派」,又和他們口中的「中國人」有咩分別呢?其人格是否可以更為低劣一些?「本...
    5 個月前

最近文章

再次伸延閱讀