支持及訂閱請按 Like

星期三, 9月 02, 2009

明報抹黑快過土共 李先知變共產黨宣傳部長

各位睇下呢篇衰過中共喉舌的土共文章--名為李先知的抹黑文章,就可以知道這份自命公信第一,其實公信七六的賣港賊,係如何利用假中立、假客觀,來抹黑民主派。

政治精靈快過官僚 甘威差點變政務司長/文﹕李先知
...
話說前日早上7時許,告士打道突然爆水管,弄得中環灣仔一帶交通癱瘓,水務署及相關部門的前線人員急忙搶修,希望可盡快重開這條全港最繁忙的交通主幹道,減低對數以十萬計市民的困擾。可惜,到場的官員盡是技術官僚,他們的「政治觸覺」自然無法跟民選議員相比。第一時間到場的政治人物,既不是局長,也不是副局長或政治助理,而是一直在拚命打造自己知名度的港島區民主黨立法會議員甘乃威。」

從呢一段文字可以得知,當政府部門互相推波,搞到出大事爆水管,全港咁多受影響,我地偉大的明報李先知,居然唔批評政治問責的官員冇人到場,居然唔覺得甘乃威早過官員,係政府無能政府失責,反而走去批評到場的議員,係「抽水」。

我地作為港島區的選民,有一個民選立法會的議員勤力出來監察政府,作為所謂第四權的明報,唔係同樣應該係去監察政府咩?明報唔去監察政府,反而去怪議員「抽水」--原來為市民做實事,就係搏知名度抽水,咁你李先知抽緊咩水?抽緊李老母的水嗎?定係李先知收左共產黨錢,係度專門抽民主派水?

議員選左唔做野,班人渣就話選來都冇用;議員選左做野,連政府班副局長都冇做野,呢位李先知的人渣就出來攻擊議員,話議員的目的係抽水!嘩!真係「先知」呀,好一篇偉大中立中肯的評論文章!

「政壇耳語謂,甘乃威到達現場後,即時發現單是民建聯立法會議員便有黃定光、葉國謙、陳鑑林等。此外,水務署也請來了灣仔區議會主席孫啟昌和立法會議員梁劉柔芬、劉秀成;泛民主派則只有甘乃威一人。」

係啦,原來事發唔到場,事後來領功的保皇黨議員,就係「唔抽水」,就係「為市民做實事」,就係「唔爭功」,我想問點解上面班友,冇一個係港島區的立法會議員?點解港島區的立法會議員去做港島區的事,就係抽水,而非港島區的立法會議員事後「好關心」事情,就唔係抽水?

明報,你仲有冇半分良知?那些稱明報係中立的群眾,你地又係唔係全部都選擇性失明?這樣的報紙叫做「中立」?這樣無恥無良無知的評論是甚麼?

既然大家咁鍾意抽水,我地又一齊抽李先知的水,我地要求明報李先知多次為抹黑泛民主派議員道歉,和梁振英一樣,公開澄清佢地係唔係共產黨員!

Facebook 群組:明報抹黑快過土共 李先知變共產黨宣傳部長
這個小工具發生錯誤

熱門文章

這個小工具發生錯誤

最新文章

  • 本土派的六條命題 - 經《本土研究社》的陳劍青推介,讀到今日維基百科關於「本土派」的條目,真係唔識就嚇一跳,識就得啖笑,成個條目連最基本的還原歷史事實都不會,似足中共版本的「抗戰史」,把國民黨一筆刪去般,把所有非「熱普城」的本土歷史全面刪去。 這種所謂的「本土派」,又和他們口中的「中國人」有咩分別呢?其人格是否可以更為低劣一些?「本...
    5 個月前

最近文章

再次伸延閱讀