支持及訂閱請按 Like

星期一, 5月 18, 2009

腐爛的民生管理

港鐵去年涉車門及扶手電梯意外逾千宗 逾4成受訪乘客認衝門
2009-05-18HKT15:18
港鐵將推行為期一個月的安全運動,港鐵委託中大進行調查,過千名受訪者中,5成半承認,沒有經常緊握電梯扶手,亦有超過4成人表示,試過衝門。港鐵表示,去年牽涉扶手電梯的意外,超過800宗,有關列車車門的事件,有250多宗。

港鐵將會在安全活動期間派出大使,在月台向乘客推廣安全意識,又會獎勵守規矩的乘客。

港鐵委託中大進行調查衝門與捱扶手的同時,唔知有冇訪問埋,有幾多受訪者覺得地鐵開得慢過以前,有幾多受訪者認為,地鐵的車廂擠迫過以前,又有幾多受訪者認為,地鐵的站內空氣質素差過以前?又有幾多受訪者認為,安全大使令佢地增加左遲到的機會?

拿拿拿,日本的地鐵好多野都差過香港,但人地「左企右行」,扶手電梯速度唔會慢過香港,每個月台都有站務助理甚至車長,去協助乘客進入車廂。佢地的目的係幫助乘客,而唔係阻人前進;為何原九鐵已經可以有信號系統,去提醒乘客幾分鐘之後有車,而地鐵沿線做唔到呢?交通工具的目的,係搞賣紀念車票,搞賣樓盤,搞咩港鐵會,而唔係改善速度,盡快送乘客到目的地嗎?

用港鐵的思維方式,涉扶手電梯有咁多意外,所以要禁止人行走,但禁左人行走,都有八百幾人受傷,比起未禁前改善左幾多 %?如果改善得咁低,點解要禁?如果要禁左都係咁多人受傷,係唔係要考慮全面廢止扶手電梯?港鐵成日用環保做藉口,停開部份扶手電梯,不如全部停開啦,人人行樓梯,最環保啦!邱騰華應該考慮「強制立法停行熄梯」--所有扶手電梯在冇人行走時,必須強制立法停行,去減少用電,減少環境污染呀笨!

拿,有人行果時,撻著個扶手電梯,仲快過撻車;咁點解車就要停行,扶手電梯就唔使先?據稱港燈仲有燒煤,對環境的污染仲勁過汽油,咁係唔係聞唔到就唔存在?再勁 d,索性強制立法禁止扶手電梯啦--八百幾人受傷喎,咁危險因此絕對應該全面停用--直到全港都零意外,先考慮恢復運作囉!

講到尾,d 地鐵起到咁低,扶手電梯又咁慢,所以未大家都唔願坐地鐵囉!哦,例如將軍澳咁,就強制取消巴士線,迫你落地鐵,先宣傳坐得好快,然後就減班次,再減速度,再連扶手電梯又要管,衝門又要管,就係唔管速度同舒適度。

世界就係咁荒謬,的士「短加長減」初初推出果時,半年前成班友話要強制立法禁止八折黨,置乘客的利益而不顧,好啦如今證明「短加長減」好成功,唔使立法都搞掂了,當初話要強制的友仔,而家去哂邊?死左?脫逃左?就係冇左影了;冇錯,「短加長減」好有問題--咩問題呢?就係香港的士司機而家搞到好似大陸的士司機咁,每逢燈位必慢車,愈開愈慢搏紅燈,停得一個就一個,塞上加塞又吹咩?

以前司機逢見短途就唔開心,覺得「做蝕左」,拿拿聲送走「瘟神」;而家做短途就喜遇「財神」,最好拖得幾慢就幾慢,dum 得幾多就幾多波鐘,大家一齊鬥慢--用私家車合法行五分鐘的路程,的士大佬可以行到十分鐘,以至十五分鐘(逢燈短必減速到見紅燈急停),就遇同街上班飛車唔打燈一樣,你管得到佢咩?吹咩?

又好似貨車街邊亂落貨、巴士牆、旅客旅遊巴泊街、私家車亂泊等問題加埋一齊,所有呢 d 問題都係同一個問題,就係大帝只識立法,唔使執行;大帝只識諗到天花龍鳳,去到執行層面衰哂乜野都冇人理,就好似歷史上的中華帝國,只係有班硬膠知識份子紙上談兵,山高皇帝遠,去到下面就腐爛哂;講改革?佢地連問題都唔覺得有,改乜?革乜?又搞個新的硬膠政策去做場大龍鳳,由禁煙呀,打掃清潔衛生呀,有乜唔係只係一場爛 show?呢十幾年回歸後,政府有咩係落實做得到,而唔係大隻講的?

呢 d 未係沒有民主,就沒有民生囉--因為你投訴佢都唔使理,區議會只係咨詢機構,就算加左權,又淪為地區勢力、土共等地區組織的利益交換之處,香港的腐爛已經成為了由上而下,再由下以上的死症,眼前只有一條路--就係死直。

華員會引述薪酬趨勢調查結果 高中低公務員均為負數
2009-05-18HKT15:58
華員會副會長利葵燕引述公務員薪酬趨勢調查結果,高中低級公務員整體薪酬指標均為負數,未計算增薪點,中層及低層分別是負1.34%及負0.17%,而高層則為負4.79%。

利葵燕說,以往當政府出現嚴重財赤或經濟環境非常嚴峻,公務員亦曾減薪,但考慮到現時的經濟情況及公務員士氣,她認為凍薪會較為適合。

另外,紀評會職方代表倪錫水表示,對調查結果感失望,但會尊重調查結果,稍後將開會確認。

如果車費應該可加可減,點解公務員的人工,唔係根據趨勢去可加可減,卻只可加,幾乎不可減呢?

當今日好多部門做野都亂哂龍,執行乜都做唔到的時候,加人工,改變得到現況嗎?當高官都做成咁的時候,又點樣期望低官會做得好?講到最尾,最著數就係鐵飯碗的打工仔,最可憐的就係乜保障都冇的外判人員,就好似上面的果堆例子咁,有些人以為最低工資就可以解決問題,卻不知這是捨本而逐末,不去解決上層的結構性問題,畀得最低工資你,又執行到咩?又唔會有人走法律灰色地帶咩?唉!
這個小工具發生錯誤

熱門文章

這個小工具發生錯誤

最新文章

  • 本土派的六條命題 - 經《本土研究社》的陳劍青推介,讀到今日維基百科關於「本土派」的條目,真係唔識就嚇一跳,識就得啖笑,成個條目連最基本的還原歷史事實都不會,似足中共版本的「抗戰史」,把國民黨一筆刪去般,把所有非「熱普城」的本土歷史全面刪去。 這種所謂的「本土派」,又和他們口中的「中國人」有咩分別呢?其人格是否可以更為低劣一些?「本...
    5 個月前

最近文章

再次伸延閱讀