支持及訂閱請按 Like

星期四, 5月 07, 2009

由劉江華到季霆剛

隔牆有耳:新劉江華要學劉江華
2009年05月07日

民建聯精挑細選第三屆政策副發言人, 18個俊傑噚日同記者見面,最搶眼係由公民黨過檔、被封「新劉江華」嘅季霆剛。佢精於走位,一早攝咗中間靚位,擺好丁字腳 pose,不時撥動 MK型染髮等影相。

有共識唔評論六四
季霆剛自我介紹時,話對「新劉江華」呢個綽號感到光榮,因為劉江華唔止係黨副主席,仲係行會成員,會以劉江華做榜樣發憤向上,佢又同正版劉江華握手合照;劉江華則話民建聯一向用人唯才,咁講法,即係不問出身,歡迎其他俊傑轉軚加盟。
18羅漢有備而來見記者,季霆剛透露各人早有共識,就係唔會評論六四、 7.1,至於佢會否參加 7.1遊行,佢就快閃,「屆時可能唔喺香港。」提到被罷免嘅港大學生會會長陳一諤,阿季讚對方有勇氣,「可惜有勇無謀。」
負責保安事務嘅周浩鼎,表明任務係「針對社民連」,社民連毓民則叫自稱「鼎哥」嘅仁兄返去飲多啲中共奶水先獻世,「因為佢大佬都畀我窒到喊。」

好多泛民的支持者都唔明,點解泛民內有咁多「新劉江華」--由正版劉江華、梁安琪去到今日的季霆剛,其實只係冰山一角,點解?就係泛民每一個黨的思維都出左問題,就好似國民黨咁,自以為係代表正義,就會有大量正義的朋友投效,以為自己個腦係直線思考,對手就一樣係用直線思考,結果就好似六十年前的國民黨一樣,永遠都死在共諜的手中。

係囉,人性係乜?就係每個人都有自己的生活,以今日泛民政治的形式,入黨從政就幾乎要放棄自己的生活--於是除了少數名利淡薄如長毛之流外,其他從政的唔係為左上位,就係另有企圖;要貢獻你生活的全部,除左少數做得到的人之外,最簡單未就係搵 d 有老共代為照顧的人,等佢地可以無後顧之憂入來「從政」囉--有些被揭穿的,有些達成目標的,未「完成任務」,「光榮回歸黨中央」--等其他潛伏在黨內的無間道睇下,他日你地回歸黨中央的時候,都有好似「劉華」咁威o架!

阿季讚對方有勇氣,「可惜有勇無謀。」--明冇?季霆剛再一次串爆泛民各黨中人,就係全靠你地膠到冇朋友,專任用 d 另有目的o既膠人,香港的泛民先會搞到今日的田地;雖然我一面都未見過季生,在呢個問題上,都好認同季霆剛的講法--係囉,陳一諤呢 d 傻仔未叫有勇無謀囉,那麼泛民各頭頭之前用左咁多二五仔(個個黨都有份,唔使我數吧?),唔知大家又有咩感受呢?
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    4 個月前

最近文章

再次伸延閱讀