支持及訂閱請按 Like

星期二, 1月 13, 2009

立法禁止除褲放屁!

看見一個 facebook group,名字叫做 「Stop Idling!! - 贊成在香港立法推行停車熄匙計劃」,看見這個 gruop,這些人,以及這些所謂的「理由」,感到內心非常不舒服。

就和反對家暴條例、要求收緊淫審條例,這些年來一大堆香港「左膠」立法一樣,一大群既不科學,亦不理性,完全不講道理的人,提出一些不切實際,完全不可行的垃圾條例,去好心造壞事,或者好似那些「信佢一成,雙目失明」的人,偏要堅持太陽由西面升起一樣去做事的人,真的想問一問,和他們爭論,何必呢?何苦呢?

「2. Benefit - each of us can breath cleaner air 好處﹣你我都能呼吸到比較清新的空氣」--講得出呢句話的人,不知有沒有數據?有沒有擔保?有沒有研究?有沒有保證?如果做不到,是否切腹自盡?是否會取消法例?

沒有,就和叫你投民賤聯中國會強大一樣,就和叫你相信收緊淫審條例會改善社會道德一樣,這些耳聾眼盲的人,偏要為了自己的「信念」,而不理現實的情況,不理會連累他人生命安全,不理會自己的硬膠思想,會連累成個香港,引來塞車帶來更多污染、司機過熱焗暈帶來交通意外死傷,就好似明愛醫院門口求救果個枉死的死者一樣,係都要有人死,都先會帶來些微影響--係囉,當全世界怪政府低能的時候,又有冇怪過自己以及自己身邊的人,對社會漠不關心呢?

駝鳥民族嘛,總之當事情不存在,當事情未發生,就索性當看不見為乾淨--回應一下呀?為甚麼加拿大人要訂立廿七度的豁免標準?是否他們弱智、低能、冇腦、行為可恥?為甚麼加拿人需要廿七度的豁免?是否中國人特別耐熱?是否司機都要忍受五十度的高溫下開車?如果立了法例,香港的空氣可以有明顯改善,最起碼 5%--如果有人敢提出這個保證,我舉腳去支持,請問這些無數個支持立法的人,你估計一下,通過立法之後,香港的空氣可以改善多少百份比?如果用司機的生命,去換來 5% 的香港空氣質素,以全港市民草菅人命的方法計算,都勉強可以收貨,現實呢?要用幾多條人命去換一個「幻想中」的立法?

對呀,發電廠減排放,如果自稱很環保,卻連 1% 都減唔到,環保團體收唔收貨?點解人地推動環保就要有成效,佢地推動環保就唔需要成效?點解商人推動環保就要「科學證據」證明自己環保左,而唔係增加浪費,可是我們的立法會議員、環保團體以及一眾其他支持「強制立法停車熄匙」的人,從來都唔需要任何數據,唔需要任何證明,就可以自稱呢個係環保的方案?不如強制立法禁止放屁呀?都可以減少溫室氣體排放o架,信唔信?

用他人的性命,去換取佢地的迷信,呢個立法係有史以來最不人道,最可恥的立法;環保團體有本事推動禁止高排放的柴油車的話,我舉腳支持,禁止跑車浪費燃油,我舉腳支持,這些可以實際做到環保的,中國膠卻從來不敢提,不敢推動,只敢推動一些欺騙性的假環保方案,就和買一本書扮自己很文藝,很愛閱讀一樣,是完完全全的欺騙,是人性最醜陋的表現,可是這些人,就是愛這調調兒。

記得香港推出數碼電視,我們的環保團體做了些甚麼?公開呼籲大家不要換電視--好呀,就此算數?望望美國加州,人地的環保份子想做甚麼?人地的環保份子,直接從電視的能源消耗著手,要立法限制高耗電的電視排放;我地的環保份子呢?為甚麼不敢提出,強制立法禁止換電視?學法國呀,每架電視每年收成千銀稅,我地仲可以更先進添,用來全部做環保工作!強制立法禁止高用電的電視機呀?點解唔敢?發電廠用咩來發電?果 d 排放好環保咩?唔係年年都被環保份子嘈話中電港燈都唔夠環保咩?

德國部份城市限制汽車廢氣的排放,禁止高廢氣車輛行駛,我們偉大的膠港,卻由政府帶頭幫高官七年就換一架私家車,救傷車就十幾年都唔換!邱局長日日叫人環保,自己就只係坐一日地鐵去新界視察咁大把,自己架 AM85 ,同其他局長的座駕,係唔係架 3000cc 的高排放車輛?邱局長坐司機的車好舒服呵?叫司機去停車熄匙忍受 50 度高溫,自己就在冷氣房享受製造玩死人政策的樂趣,好過癮呵?那些唔坐車的,用他人的利益去換取自己的「妄想」,損人不利己,發夢以為可以利己,呢 d 人係咩心態?

史上最偉大的妄想--立左法,停車果時就會熄匙,就會「少左廢氣」--理想程度就好似,叫人除褲果時唔准放屁,要人著左褲先准放,就可以減少排放改善空氣一樣,簡直就係超低能、超弱智--點解要「唔熄匙」?為左冷氣囉!熱到痴肺果時,法例唔准你停車,未開車囉,就好似話你除左褲唔准放屁一樣,未著來放囉,支持的人個腦係唔係有問題到呢個地步?定係因為立法強制禁止你著褲放屁,你就會減少放屁,就會減少空氣污染?弱智,係冇罪的;可是集體弱智去做膠事,連累道路安全,連累全體市民的性命財產,這些人知唔知自己在做甚麼?

呢 d 選擇性立法,就係自己可以繼續浪費地球資源,就用自己的影響力,去立法禁止人地去浪費,用他人來換取自己的利益,都仲話無可厚非,可是這些人居然只是用他人去換取自己的「心安理得」,換取自己的迷信,這算甚麼?立法會開少一個膠會,討論少一些硬膠議題,呢班人停止浪費上網與地球的資源,去做一些更有益的事,就係真正的環保了;要環保,隨手都有可以改善的例子,例如政府在維園等地,開個大電視日播夜播冇人睇的政府垃圾宣傳片,唔知用幾多度電呢?呢部大電視,點解到今日都冇環保團體敢出來挑戰呢?政府浪費公眾 air-time,製作無數套垃圾宣傳片與心繫膠國,點解冇人敢抗議呢?點解咁耐以來,冇環保組織敢去挑戰一眾局長,佢地每個月燒幾多油呢?去北歐租架車,你行幾多公里,產生幾多二氧化碳都會顯示出來,我地偉大的政府車,每月行幾多 km, 燒幾多油呢?唔用環保車,唔減少燒油,唔學人地紐約市長彭博日日坐地鐵,我地偉大的局長繼續沒有一絲羞恥,還是這一句,這些人都在等天收!

伸延閱讀:
東方日報:白車死火已頭痕停車熄匙更害人
邱騰華等天收吧!
塞車送了一條命
環保新葉劉--邱騰華
強制停車熄匙,欲移植澳門遊行?
環保大躍進-三面紅旗之停車熄匙
潮童不宜:支持強制行車熄匙立法!
強制反燃料污染立法
建議立法強制停視熄機
電子呼吸收費計劃

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀